O experimento mais longo do mundo

Científicos e curiosos de todo o planeta están pendentes de que caia unha gota de brea, a novena dende hai 83 anos, nunha proba científica vixiada por cámaras en directo.

O experimento da gota de brea foi iniciado en 1927 polo profesor de Física Thomas Parnell (falecido onte), da Universidade de Queensland (Brisbane, Australia), para demostrar aos seus alumnos que os materiais máis ordinarios poden exhibir algunhas propiedades sorprendentes. 

Ocorreuselle verter unha mostra de brea moi quente nun funil co colo selado. Así o deixou durante tres anos, ata que cortou o colo do funil para que a brea fluíse cara a abaixo. 

A brea é un líquido moi viscoso, 100.000 millóns máis que a auga, tanto que parece sólido. A temperatura ambiente, flúe moi devagar e lévalle varios anos formar unha soa gota.


As gotas de brea
Decembro 1938- Primeira gota
Febreiro 1947- Segunda gota
Abril 1954- Terza gota
Maio 1962- Cuarta gota
Agosto 1970- Quinta gota
Abril 1979- Sexta gota
Xullo 1988- Séptima gota
Novembro 2000- Oitava gota

125 Anos de National Geographic

O famoso «marco amarelo» que hoxe distingue a revista da Sociedade segue representando o mesmo que en 1888: descubrir e dar a coñecer «o mundo e todo canto hai nel». 

125 anos de National Geographic. 

As ondas de calor serán máis frecuentes e intensas

As ondas de calor estivais serán máis frecuentes e intensas. 

Nos próximos anos sufriremos temperaturas extremas máis a miúdo e estas afectarán a zonas do planeta que na actualidade gozan dun clima moderado e nas que non son habituais. 

É a conclusión dun equipo de científicos tras realizar unha proxección ata o ano 2100 a partir dos rexistros históricos de temperatura e os niveis de emisións á atmosfera de dióxido de carbono (CO2).

Segundo explican neste estudo, publicada na revista 'Environmental Research Letters', a superficie do planeta que sufrirá ondas de calor extremas en verán como aquelas que azoutaron Grecia en 2007, Australia en 2009, Rusia en 2010 ou EUA en 2012, dobrarase no ano 2020 e multiplicarase por catro para o ano 2040.

España encóntrase entre os países que sufrirá veráns moito máis cálidos: "Ademais das rexións tropicais...ler máis

Superordenador Vs Cerebro Humano

Simular o cerebro humano é algo tan complicado, que mesmo un dos súperordenadores máis poderosos do planeta apenas puido facelo despois de procesar datos por un espazo de corenta minutos, cun resultado equivalente a un só segundo de actividade cerebral. 

O superordenador en cuestión é o Fujitsu K, un «exprimer posto» na lista TOP500, e a tarefa requiriu de case 83 mil procesadores.

De acordo aos investigadores que participaron da simulación, utilizouse un total de 82.944 procesadores dos que ten K á súa disposición, para crear unha rede de 1.730 millóns de células nerviosas, conectadas a 10,73 billóns (os nosos billóns) de sinapse, en ambos os dous casos virtuais.

Un corazón morto de rato volve latexar tras ser reconstruído con células nai

Un grupo de investigadores da Universidade de Pittsburgh, en Estados Unidos, logrou que un corazón morto de rato volva latexar despois de reconstruílo con células nai humanas.

Más vídeos en Antena3

Encontran unha lura xigante de case 80 quilos na costa asturiana

O animal foi localizado flotando sobre a superficie do mar a última hora da tarde de onte e trasladado ao porto de Gijón onde se fixo cargo del un equipo da Coordinadora para o Estudo e a Protección das Especies Mariñas (Cepesma).

O cadáver foi trasladado ao Museo da Lura Xigante que esta organización ten na localidade de Luarca, onde foi conxelado para realizarlle a necropsia nas próximas semanas e determinar as causas. 

Segundo indicou a Efe o responsable de Cepesma, Luis Laria, o exemplar non está completo e presenta varias mordedelas que poderían estar na orixe da súa morte e podería alcanzar unha lonxitude de ata nove metros cos seus oitos brazos e dous tentáculos estendidos.