A inmunoterapia para combater o virus da sida con anticorpos monoclonais, chamados de primeira xeración, fracasou nas terapias contra o VIH e o seu uso clínico quedou descartado.
Agora, investigadores da Universidade de Rockefeller en Nova York (EUA) desenvolveron un novo sistema que potencia o sistema inmune para combater a enfermidade.
Michel Nussenzweig, autor principal do estudo, apunta a Sinc como "a clonación de anticorpos de individuos afectados por VIH-1 -que desenvolven potentes neutralizadores serolóxicos de forma natural- supón unha revolución no seu tratamento polo descubrimento dun gran número de vulnerabilidades do virus no plasma destes pacientes".
Así, os científicos analizaron como a carga vírica se reducía utilizando este tipo de anticorpos en ratos humanizados -roedores aos que se lle introducen xenes humanos- e primates. As súas conclusións publícanse esta semana na revista Nature.
Tras obter estes resultados en animais, levouse a cabo unha primeira fase en humanos. Para iso administrouse o anticorpo 3BNC 117, que se insire nos linfocitos CD4 -un tipo de células humanas presentes no sangue que activan o sistema inmunitario- en 17 individuos infectados con este subtipo de VIH e 12 individuos sans.
A presenza de 3 BNC 117 no plasma sanguíneo do grupo con VIH desapareceu de forma máis rápida que no dos non afectados polo virus. Estes datos concordan coa redución da carga viral en sangue dos 12 infectados ata 28 días despois de aplicarlles a infusión de 3BNC 117.
Este anticorpo uniuse ás células CD4 -as células preferidas polo VIH para reproducirse- e permitiu que o sistema inmune seguise funcionando ao evitar que o virus fixese copias xenéticas.
No hay comentarios:
Publicar un comentario