POWER POINT: Tema 4 Bioloxía 4º ESO

Tema 4.
A Célula

Comparativa: MITOSE & MEIOSE

No seguinte vídeo móstranos as diferenzas entre estes dous tipos de reproducción celular; a explicación (subtitulada) ven acompañada de imaxes con esquemas moi claros.
Moi interesante.

Meiose: Animación

Déixovos outra animación do proceso de meiose celular, para que aclaredes que é o que pasa en cada unha das dúas divisións.

Para acceder á Animación PICA AQUÍ.

Enlace de descarga Bioloxía 4º ESO

Si PICAS AQUÍ descargarás os apuntes complementarios de Bioloxía correspondentes as Funcións da Célula do Tema 4.

Recurso TIC: Animacións

Déixovos un recurso TIC, no que poderedes mediante animacións repasar todo o que conleva a reproducción das células, repasando os dous métodos que empregan: MITOSE e MEIOSE.

Para acceder ao recurso PICA na Imaxe.

A Meiose: producción de gametos

A meiose é un tipo de división celular eucariótica, que comprende dúas divisións seguidas e ten como obxectivo a produción de células reprodutoras como gametos. 

Prodúcese unha primeira división celular no que o número de cromosomas das células fillas xa é haploide, pero cada cromosoma ten dúas cromátidas. 

A esta primeira división séguelle unha segunda que dá como resultado catro células cun número de cromosomas tamén haploide pero cunha soa cromátida por cromosoma.

A Mitose Celular

Vídeo explicativo de cada unha das súas fases.

Os Cromosomas humanos

Un cromosoma é unha estrutura organizada de ADN e proteínas que se atopa no núcleo das células. Trátase dun estado temporal no que se encontra o material xenético durante a fase de división celular, tanto na mitose como na meiose, que facilita a repartición equitativa deste nas células resultantes.

A Mitose: A Reproducción nas Células

A mitose ou división do núcleo é o proceso polo cal os cromosomas duplicados se distribúen equitativamente entre as células fillas. É un proceso continuo que, para facilitar o seu estudo, se divide en cinco fases: profase,prometafase, metafase, anafase e telofase.

Nutrición e Relación Celular. Apuntes

Estudaremos estas dúas funcións vitais das células, seguindo os seguintes apuntes. Xa os podedes descargar.

Orgánelos Celulares

En bioloxía celular, denomínase orgánulos (ou tamén organelos) ás diferentes estruturas contidas no citoplasma das células, principalmente as eucarióticas, que teñen unha forma determinada. A célula procariota carece da maior parte dos orgánulos.
Non todas as células eucarióticas conteñen todos os orgánulos ao mesmo tempo, aparecen en determinadas células de acordo ás súas funcións.

A vida no interior da Célula

'The inner life of a cell' é unha curtametraxe de aspecto científico que demostra diversos mecanismos biolóxicos que suceden dentro do corpo humano. Esta animación en gráficos 3D fíxose en demanda de Bio Visions, do Departamento de Bioloxía Molecular e Celular da Universidade de Harvard.

A animación explícanos que lle sucede a un leucocito (ou glóbulo branco, as células de defensa do organismo) cando se produce un estímulo externo, é dicir, cando un obxecto extraño, unha infección... entra no organismo e o leucocito debe atravesar os vasos sanguíneos para chegar ata onde se ten que actuar. 

Os máis entendidos poderán apreciar o traballo das proteínas receptoras, os microtúbulos, o ARN circular que se impulsa polos poros nucleares, a inserción no aparato de Golgi, un linfocito desprazándose a través dunha parede capilar, etcétera.

Forma e tamaño das células

Salvo contadas excepcións, as células son diminutas. A súa forma é moi variada: algunhas son esféricas, outras son prismáticas e outras teñen forma cilíndrica. Basicamente, encontramos dous tipos de células: as células procariotas, sen núcleo, e as eucarióticas, con núcleo.

A forma das células é moi variada: cilíndrica, esférica, estrelada, de disco, etc. Siempre teñen volume, só unhas poucas son planas. No ser humano cre que hai máis de 100 billóns de células. Non obstante, non todas posúen a mesma forma. Calcúlase que existen ata 250 tipos de células diferentes no corpo humano.

O tamaño das células tamén é moi variable; unha bacteria pode medir 1-2 microns de lonxitude, mentres que unha célula nerviosa de balea mide varios metros.

Células Nai. Reportaxe Tres14 (La2)

Comezaremos o estudo da Célula en 4º de ESO. O estudo da célula remóntase ao século XVII e o seu avance ten sido espectacular nos últimos anos e como expoñente dos últimos avances é o ámbito das Células Nai.

O programa de TV Tres14, adicoulle unha reportaxe onde tratan temas coma: podemos fabricar órganos con células nai?; células nai e pura sangues; cremas con células nai; investigación e leis; que enfermidades curan as células nai?; como se descubriron as células nai; o home e a formiga.

Tema 4 Bioloxía 4º ESO: A CÉLULA

Como introducción ao Tema 3 de Bioloxía en 4º ESO, déixovos este vídeo onde viaxaremos ao interior dunha nas nosas células.