O Núcleo Terrestre - Efecto Dinamo e Campo Magnético

Hai dous modos de producir un campo magnético: ben por medio dun corpo imanado, ben a través dunha corrente eléctrica. Antigamente, críase que o magnetismo terrestre estaba orixinado por un xigantesco imán situado dentro da Terra (hipótese do imán permanente). 

Certamente, a Terra contén xacementos de minerais de ferro, e crese que o seu núcleo está composto por ferro e níquel, substancias altamente magnéticas. Se este núcleo, cuxo radio excede do 3.400 km, é en efecto un imán permanente, o campo magnético terrestre pode moi ben ser atribuído a el. 

Con todo, as substancias ferromagnéticas, como o ferro e o níquel, perden o seu magnetismo por encima do denominado punto de Curie, que é de 770 ° C para o ferro e de 360 ° C para o níquel. Como a temperatura do núcleo é superior a estes valores (é maior de 2.000 0 C), nin o níquel nin o ferro poden conservar o seu ferromagnetismo. O núcleo terrestre non pode ser, pois, un imán permanente.