O ámbar: un rexistro fósil

O ámbar é unha pedra preciosa feita de resina vexetal fosilizada proveniente principalmente de restos de coníferas e algunhas anxiospermas.

En moitas ocasións, a resina, ao escorrer sobre a codia de madeiros e ramas, chegou a atrapar burbullas de aire, gotas de auga, partículas de po ou pequenos seres vivos como plantas (orquídeas, fungos, mofos, líques, sementes e unha morea de flores diminutas), insectos, vermes e outro tipo de animais que van dende diminutas formigas, arañas, mosquitos, abellas, térmites, bolboretas e libélula ata lagartas, ras e escorpións, quedando gardados e preservados, como inclusións fósiles deshidratadas, pero sen o encollemento que normalmente causan as deshidratacións, conservándose de tal forma que a súa estrutura celular e ata fragmentos do seu ADN poden encontrarse na actualidade.