Seres vivos "á carta"

O Instituto Scripps reescribe o alfabeto da vida e crea o primeiro organismo vivo con tres pares de bases de ADN en lugar dos dous naturais.

Os organismos vivos que poboan a Terra (plantas, bacterias, fungos, animais....) teñen no seu material xenético só catro letras ou dous pares de bases escritas ao longo da evolución. Agora, por primeira vez, científicos do Instituto de InvestigaciónScripps de California (EUA) reescribiron o xenoma dun ser vivo ao engadirlle un par adicional de «letras» de ADN artificiais que non se encontran na Natureza.


O resultado é un organismo semi-sintético que nunca existira antes. «Contén de xeito estable as dúas bases, máis un terceiro par non natural. Isto demostra que hai outras solucións posibles para almacenar a información xenética e nos achega a emocionantes aplicacións para desenvolver novos medicamentos», explica o director da investigación, Floyd Romesberg.