Un estudo presentado na revista Science mostrou o que pode ser un gran salto neste obxectivo. Investigadores do Laboratorio Nacional Lawrence Berkeley, a Universidade de Berkeley e a Universidade de Illinois (Estados Unidos) conseguiron aumentar ata nun 20 por cento a produtividade dunha planta de tabaco modificada xeneticamente. A investigación, financiada pola Fundación Bill e Melinda Gates, logrouno despois de «acelerar» a fotosíntesis das follas.
«Demostramos que funciona en tabaco, pero por suposto ningún dos científicos deste proxecto está interesado en aumentar a produción de tabaco», explicou a ABC Johannes Kromdijk, investigador da Universidade de Illinois e coautor do estudo. «Estamos moito máis interesados en probalo en cultivos comestibles. O proxecto está financiado pola fundación Gates para mellorar a produción de comida en países en vías de desenvolvemento».
En realidade, usaron o tabaco porque é unha planta fácil de manipular xeneticamente. Pero, tal como explicaron os investigadores, xa están a traballar en usar o método que aumenta a eficacia da fotosíntesis en moitas plantas interesantes para a agricultura. En concreto, están a probalo no arroz, a mandioca e o caupí, unha planta que é a principal fonte de proteínas en moitas áreas do África subsahariana. Ademais, nun futuro próximo queren comezar a probalo en millo, soia e sorgo.
No hay comentarios:
Publicar un comentario