Grado en Biotecnoloxía

Pódese definir a Biotecnoloxía como a aplicación dun enfoque multidisciplinario, tanto científico como tecnolóxico, aos sistemas biolóxicos e organismos vivos ou os seus derivados para a creación ou modificación de produtos ou procesos de valor para o home. Ese carácter interdisciplinario e integrador de coñecementos, procedentes da enxeñería e das modernas técnicas de bioloxía molecular, celular e funcional, proporciona, ademais, un valor engadido desde o punto de vista formativo.