Como estudar Física mentres tocas a guitarra

As técnicas que utilizan guitarristas do talle de Clapton ou Hendrix son pura física ao servizo da boa música.

Iso é exactamente o que fixo David Robert Grimes, un físico do Departamento de Oncoloxía da Universidade de Oxford, que habitualmente utiliza os seus coñecementos físicos para obter modelos matemáticos da distribución do osíxeno co fin de mellorar a eficacia da radioterapia no tratamento do cancro.

Pero o doutor Grimes é tamén moi hábil coa guitarra e grande un admirador de Brian May, o arquifamoso guitarrista, compositor e vocalista da banda británica Queen. Mayr, que ademais de músico é astrofísico, foi un dos primeiros en utilizar o "tapping", unha das moitas técnicas das que se serven os mellores músicos de guitarra eléctrica para dar a este instrumento unha expresividade comparable á da voz humana, escribe Grimes no seu artigo.

A diferenza doutros instrumentos, como o piano, nos que cada nota é unha función discreta, os (bos) guitarristas poden incorporar microtonalidades entre as notas musicais. E a forma de logralo, mediante vibratos ou curvando as cordas, por exemplo, constitúen un signo peculiar e distintivo de cada un deles