Cheops, das siglas en inglés «Satélite para a Caracterización de Exoplanetas», é tamén un aceno a unha das sete marabillas do mundo: a pirámide de Keops. O nome con que bautizaron ao satélite, que será lanzado en decembro de 2017 para buscar planetas que orbiten estrelas diferentes ao noso Sol (de aí o nome «exoplaneta»), é unha homenaxe ao Antigo Exipto e á súa predilección pola astronomía. Hoxe, como onte, miramos ao ceo e seguimos facéndonos as mesmas preguntas: Estamos sós no universo? Hai vida nos planetas doutras galaxias?
Estas son as preguntas que se van intentar responder coa primeira «pequena misión» da Axencia Espacial Europea (ESA, polas súas siglas en inglés), que contará cunha compañía española como principal contratista: a empresa Airbus Defense and Space Españaencargarase de fabricar o satélite. «Significa moito para a tecnoloxía española, o feito de ter gañado unha competición aberta a nivel europeo é sinal de que a nosa tecnoloxía está á altura dos grandes países fabricantes de satélites», asegura Andrés Borges, xefe de programa de Cheops de Airbus Defense and Space España.
Cheops viaxará de pasaxeiro a unha altura de 800 quilómetros nun lanzador Vega ou Soyuz (está aínda por determinar) e partirá dendeKourou, na Guyana Francesa. Pero, como fará para buscar vida? No noso sistema solar temos o Sol e oito planetas orbitando ao seu arredor, pero tamén existen outros sistemas planetarios en galaxias diferentes á nosa, a Vía Láctea. Cheops buscará un catálogo deexoplanetas, é dicir, planetas que orbiten estrelas diferentes ao Sol pero con características similares a este, é dicir, que xeren calor e luz capaces de permitir vida.
No hay comentarios:
Publicar un comentario