A enerxía combinada dos láseres (0,76 megaxulios ou MJ) creou ondas de presión no diamante, e comprimiuno a cinco terapascales(50 millóns de atmosferas), unha presión similar á do centro de Saturno.
"O diamante, o material menos comprimible de todos os coñecidos, aquí foi comprimido a unha densidade sen precedentes, máis que a do chumbo", escriben os autores en Nature.
A medida que aumentaba a presión, os científicos medían o estrés, a densidade e o son do cristal de carbono.
E estes datos, din os científicos, agora poden ser "comparados con teorías utilizadas durante moito tempo para describir a materia presente no interior de planetas xigantes e estrelas".
A estes extremos, prevense unha serie de transicións nas que o carbono se volve máis denso que na súa forma de diamante.
"É interesante que estes experimentos non detectaron ningunha destas transicións, que puideron ser eliminadas ou postergadas mediante un mecanismo aínda descoñecido," dixo Chris Pickard, da universidade College London.
En xeral, non obstante," a coincidencia entre os resultados dos cálculos teóricos e o experimento é boa, así que é probable que a teoría estea sobre terreo firme.
No hay comentarios:
Publicar un comentario