Logran facer invisible un obxecto

Os científicos xa presentaron varias capas de invisibilidade que fan desaparecer obxectos de distintos tamaños ao estilo da que envolve a Harry Potter, pero a maioría son dispositivos bastante voluminosos, o que supón un problema para levar a cabo o xenial «truco de maxia». 

Agora, investigadores estadounidenses da Universidade de Texas en Austin, os mesmos que foron capaces de ocultar un obxecto tridimensional por primeira vez, desenvolveron un manto moito máis delgado e lixeiro. 

Mide só uns micrómetros de espesor e pode ocultar obxectos tridimensionais ás microondas no seu ambiente natural, en todas as direccións e dende todas as posicións do observador.

A nova capa ultradelgada, descrita este martes en New Journal of Physics da Sociedade Alemana de Física, foi denominada «metapantalla». LER MÁIS