Finaliza a misión da NASA coa colisión na lúa de dous satélites xemelgos

Ebb e Flow, as dúas naves xemelgas estreláronse nunha montaña próxima ao polo norte da Lúa e culminaron así unha misión dun ano durante o que tomaron imaxes que permitirán facer un mapa preciso para coñecer mellor a súa estrutura interna,así como, tamén ter máis información sobre a formación da Terra, segundo informou a NASA.

O venres pasado os dous satélites recibiron a orde de descender para impactar na superficie lunar. Poñíase fin así á misión destas dúas sondas xemelgas debido ao pouco carburante que lles quedaba nas súas reservas. 

Nunha manobra deseñada con precisión, cincuenta minutos antes do impacto as naves acenderon os seus motores ata que o combustible se esgotou. A primeira en tocar o chan lunar foi Ebb seguida 30 segundos despois por Flow, a unha velocidade de máis de 6000 Km/h.