A flora intestinal está a atraer cada vez máis a atención dos investigadores pola influencia que teñen estes microscópicos inquilinos na nosa saúde. A súa alteración asóciase con trastornos metabólicos, como a obesidade e a diabetes mellitus, e trastornos neuropsiquiátricos como a esquizofrenia, autismo, ansiedade e depresión. Entre os últimos achados, destaca o feito de que tamén poderían estar a influír na eficacia dos fármacos e tratamentos que recibimos, como parece que ocorre na imunoterapia do cancro, a nova e esperanzadora forma de loitar contra os tumores.
Segundo os modelos actuais de control do apetito, hormonas producidas no intestino chegan aos sistemas do cerebro que regulan o apetito para indicar cando temos fame ou cando estamos xa saciados. Pero isto podería cambiar. Como se viu por primeira vez neste estudo, as proteínas que produce a flora intestinal despois de que comésemos poden influír na emisión de sinais no eixo intestino-cerebro, así como activar as neuronas do apetito reguladas no cerebro.
Unha análise máis detallada revelou que as proteínas bacterianas que indican sensación de saciedade estimulan a liberación de péptido YY, unha hormona producida na porción distal do tracto dixestivo e tamén no cerebro, asociada coa sensación de saciedade. Pola contra as proteínas que producían as bacterias "famentos" non provocaban ese efecto saciante. E ocorría o contrario co péptido similar ao glucagón-1 (GLP-1), unha hormona que se produce fundamentalmente no intestino que a produce liberación de insulina cando comemos.
No hay comentarios:
Publicar un comentario