Un equipo de investigadores en Reino Unido di ter achado restos de células sanguíneas en fósiles de dinosauros que morreron hai 75 millóns de anos. Os expertos tamén cren que os restos conteñen coláxeno, a proteína máis abundante nos ósos.
O estudo supón unha novidade debido a que os fósiles non estaban precisamente en bo estado de conservación, tras pasar máis dun século almacenados no Museo de Historia Natural de Londres. Ata o momento só conseguírase rescatar material orgánico de fósiles tan ben preservados na rocha circundante e extraidos nunha asepsia tal que mesmo se conservaban restos de pel e proteínas.
Os autores son moi cautos co seu descubrimento e sinalan que haberá que confirmalo, sobre todo analizando máis fósiles en busca das mesmas marcas e saber ata canto poden remontarse no tempo.
"En España hai fósiles de varios depósitos que poderían ser analizados con estas técnicas e sen dúbida intentaremos facelo, recoñece José Ignacio Canudo, paleontólogo da Universidade de Zaragoza. Os tipos de microscopía electrónica e espectrometría de masas aplicados aos restos son máis propios da bioloxía que da paleontoloxía, pero, por agora, non abondan para estar seguro dos seus resultados, advirte Canudo, que non participou no estudo. "Trátase dun traballo moi interesante e o tempo dirá se o que acharon é material orgánico, por agora, debemos manter a dúbida", advirte.
No hay comentarios:
Publicar un comentario