Todas as infeccións por virus nunha soa gota de sangue

Virus do Ébola nunha célula Humana

O sistema, bautizado como VirScan, é a primeira proba que permite comprobar ao mesmo tempo se nun paciente se encontra ou se encontrou no pasado algunha de máis de 1.000 cepas de virus. O método, desenvolvido por investigadores do Hospital Brigham e de Mulleres e a Universidade de Harvard (EUA), presentouse hoxe na revista Science.

"Cremos que esta tecnoloxía podería ser útil tanto para a saúde a nivel persoal como para toda a poboación", afirma Tomasz Kula, un dos autores do traballo. "Co noso enfoque, podemos buscar a exposición a un virus sen necesidade de sospeitar con antelación que existe unha infección", engade. Deste xeito, "poderíase imaxinar un test de sangue anual para todas as exposicións virais para encontrar as infeccións antes de que causen síntomas", continúa Kula.