O Telescopio Espacial Hubble da NASA tomou moitas imaxes impresionantes do Universo, pero ningunha como a famosa «Piares da creación». Esta foto asombrosa, tomada en 1995, revelaba detalles nunca antes vistos de tres columnas xigantes de gas frío bañadas pola luz ultravioleta abrasadora dun cúmulo de estrelas novas e masivas nunha pequena rexión da Nebulosa da Aguia ou M16, a 6.500 anos luz da Terra.
Aínda que tales características son comúns en rexións de formación estelar, as estruturas de M16 son, con moito, as máis fotoxénicas e evocadoras. A imaxe do Hubble é tan popular que apareceu en películas e programas de televisión, en camisetas e almofadas, e mesmo nun selo de correos.
E agora, na celebración do seu 25 aniversario, o Hubble volveu ás famosas columnas, proporcionando aos astrónomos unha visión máis nítida e ampla. que se deu a coñecer na reunión da Sociedade Astronómica Americana en Seattle, en Washington. Os piares foron fotografados na luz do infravermello próximo, así como con luz visible. A visión infravermella transforma os piares en misteriosas siluetas, que aparecen tenues contra un fondo de innumerables estrelas. Iso é porque a luz infravermella penetra en gran parte do gas e o po, a excepción das rexións máis densas dos piares. As estrelas acabadas de nacer poden ser vistas escondidas dentro dos piares.
No hay comentarios:
Publicar un comentario