Edición de xenes, a alternativa española aos embrións de «tres pais»

De esquerda a dereita, os investigadores Juan Carlos Izpisúa,Alejandro Ocampo e Pradeep Reddy, no Instituto Salk onde desenvolveron a técnica

Científicos españois desenvolven unha técnica para erradicar enfermidades hereditarias na etapa embrionaria. Non engaden ADN dunha terceira persoa pero abre un novo dilema ético sobre a manipulación xenética de embrións

Un grupo de científicos españois, liderados por Juan Carlos Izpisúa dende o Instituto Salk en La Jolla (California) acharon unha fórmula alternativa; a técnica, «made in Spain», non necesita contar con material xenético de tres persoas para eliminar a enfermidade. A alternativa só necesita os óvulos e os espermatozoides dos futuros pais. Chámase edición xenética e consiste en borrar os xenes alterados no embrión ou no óvulo antes de ser fecundados.

A nova estratexia non engade ADN dun terceiro, pero engade un novo debate ético. Demóstrase por primeira vez nun ser vivo que se pode cambiar o material xenético que define unha persoa.

As enfermidades mitocondriais, un grupo variado de 150 patoloxías desvastadoras, transmítense só por vía materna, a través do ADN que hai nas mitocondrias e está fóra do núcleo do óvulo. Nun tratamento de fecundación in vitro pódese eliminar o ADN enfermo no óvulo antes de fecundalo co espermatozoide ou, despois, cando xa se obtivo o embrión.

Os científicos españois conseguiron eliminar selectivamente ese ADN mitocondrial mudado ou alterado, tanto nos óvulos coma en embrións e a prole da parella de ratos tratados naceron sans...ler máis.