Ovoxénese

A ovoxénese é a gametoxénese feminina, é dicir, é o desenvolvemento e diferenciación do gametocito feminino ou ovocito mediante unha división meiótica. Neste proceso a partir dunha célula diploide prodúcese unha célula haploide funcional (o ovocito), e tres células haploides non funcionais (os corpos polares).

As ovogonias fórmanse a partir das células xerminais primordiais (CGP). Orixínanse no epiblasto a partir da segunda semana e migran polo intestino primitivo á zona gonadal indiferenciada arredor da quinta semana de xestación. 

Unha vez no ovario, experimentan mitose ata a vixésima semana, momento no cal o número de ovogonias alcanzou un máximo de 7 millóns esta cifra redúcese a 40 000 e só 400 serán ovuladas a partir da puberdade ata a menopausa arredor dos 50 anos.