Tras tres anos de investigacións, creouse un prototipo do sistema nunha das instalacións de Tecnalia en Zamudio (Biscaia). O obxectivo é que as residencias para persoas maiores ou os pisos tutelados utilicen este sistema para mellorar o coidado dos pacientes e a súa calidade de vida.
Este sistema, a través dunha ampla rede de sensores distribuídos pola vivenda, é capaz de detectar a presenza do usuario en diferentes cuartos, a apertura e peche de portas, ventás, caixóns, o arranque e apagamento de luces, o uso de electrodomésticos, da televisión, a estanza na cama, no sofá, o uso de billas, etc. Dende o punto de vista tecnolóxico, os sensores de sons úsanse para a identificación, por exemplo, do timbre do teléfono ou o da porta.
O dispositivo rexistra, en tempo real, a información dos sensores e identifica a actividade que a persoa está a realizar, como preparar a comida, ver a tele sentado no sofá ou tomar unha ducha. Esta monitorización permite aprender os hábitos ou rutinas da persoa, para posteriormente poder detectar os cambios que poden ser indicativos de problemas ou trastornos de memoria, desorientación espacial, desorientación temporal, abandono de actividade ou illamento, síntomas en moitos casos dunha enfermidade neurodexenerativa.
No hay comentarios:
Publicar un comentario