Convección no manto

O interior da Terra está quente. Esta calor procede dos primeiros tempos da Terra (a calor primordial) e da continua desintegración radioactiva de isótopos radioxénicos de vida longa no interior do manto terrestre. 

A altas temperaturas os materiais do manto compórtanse  como fluídos de alta viscosidade. Se poñemos un fluído viscoso nun recipiente e quentámolo,iníciase a convección térmica. 

De feito, o manto terrestre atópase nun estado de intensa convección térmica, e nós podemos ver a súa manifestación superficial no coñecido modelo de movemento das placas litosféricas: a tectónica de placas.