Práctica de Laboratorio: Extracción do ADN

Os alumnos de 4º de ESO Jorge Afonso e Agustín Gallego, grabaron un vídeo onde explican o proceso levado a cabo no Laboratorio de Bioloxía para a extracción do ADN do epitelio bucal; para iso empregan productos de uso cotiá como lavalouzas e sal de cociña.

Parabéns polo resultado, rapaces.

Práctica de Laboratorio Bioloxía 4º ESO - Traballo a presentar

Podedes descargar as instrucións do traballo a presentar se premedes na imaxe.

ICEX - Investigación española en vanguardia

A biotecnoloxía "made in Spain" consolida a súa posición en Estados Unidos, o principal mercado mundial neste sector que factura uns 100.000 millóns de dólares anuais e continúa crecendo. Trece empresas españolas contan con filiais alí. Medicamentos para combater o cancro, ferramentas para detectar enfermidades hereditarias ou tratamentos para rexenerar tecidos son algunhas das aplicacións da biotecnoloxía na área da saúde. Todas elas foron desenvolvidas por empresas e científicos españois. Estados Unidos é o destino natural, xa que representa as dúas terceiras partes do mercado mundial. Neste vídeo falamos con dous destas compañías: Progenika e Laboratorio BTI.

Uso de retrovirus en terapia xénica

Un retrovirus é un virus de ARN que se replica nunha célula hóspede facendo unha copia en ADN do seu xenoma. Os máis típicos pertencen á familia Retroviridae. Entre eles está o VIH causante da SIDA. O virus usa primeiramente o seu encima característico, a reversotranscritase para producir ADN a partir do seu xenoma de ARN, o que é o inverso do procedemento normal (transcrición: ADN→ARN). Este novo ADN de orixe viral é despois incorporado ao xenoma da célula hóspede pola acción dun encima integrase. 

Traducción: de ADN a Proteínas

Producción de insulina industrial

Transcripción do ADN - ANIMACIÓN

Que é a PCR?

É unha técnica de bioloxía molecular, cuxo obxectivo é obter un gran número de copias dun fragmento de ADN de interese, partindo dun mínimo. Realízase nun termociclador.

Esta técnica serve para amplificar un fragmento de ADN; despois da amplificación resulta moito máis fácil identificar cunha moi alta probabilidade, virus ou bacterias causantes dunha enfermidade, identificar persoas ou facer investigación científica sobre o ADN amplificado.

Transcripción e Traducción do ADN

A transcrición do ADN é o primeiro proceso da expresión génica, mediante o cal se transfire a información contida na secuencia do ADN cara á secuencia de proteína utilizando diversos ARN como intermediarios. Durante a transcrición xenética, as secuencias de ADN son copiadas a ARN mediante unha encima chamada ARN polimerasa que sintetiza un ARN mensaxeiro que mantén a información da secuencia do ADN. Desta maneira, a transcrición do ADN tamén podería chamarse síntese do ARN mensaxeiro.

A tradución do ADN é o segundo proceso da síntese proteica (parte do proceso xeral da expresión génica). Ocorre tanto no citoplasma, onde se atopan os ribosomas, como no retículo endoplasmático rugoso (RER). Os ribosomas están formados por unha subunidad pequena e unha grande que rodean ao ARN. Na tradución, o ARN mensaxeiro se decodifica para xerar unha cadea específica de aminoácidos, chamada polipéptido (o produto da tradución), de acordo coas regras especificadas polo código xenético. É o proceso que converte unha secuencia de ARN mensaxeiro nunha cadea de aminoácidos para formar unha proteína. É necesario que a tradución veña precedida dun primeiro proceso de transcrición. 

ADN recombinante

Bases Nitroxenadas do ADN e ARN - Animación en 3D

Que é o Código Xenético?

A replicación do ADN

O proceso de replicación de ADN é o mecanismo que permite ao ADN duplicarse (é dicir, sintetizar unha copia idéntica). Desta maneira dunha molécula de ADN única, obtéñense dous ou máis "réplicas" da primeira. Esta duplicación do material xenético prodúcese de acordo cun mecanismo semiconservador, o que indica que os dous polímeros complementarias do ADN orixinal, ao separarse, serven de molde cada unha para a síntese dunha nova cadea complementaria da cadea molde, de forma que cada nova dobre hélice contén unha das cadeas do ADN orixinal. 

ADN e XENES - A SÚA FUNCIÓN

O ADN - estructura

Técnica CRISPR

A tecnoloxía CRISPR (clustered regularly interspaced short palindromic repeats, repeticións palindrómicas curtas regularmente dispostas formando unha matriz) é unha ferramenta de edición do xenoma que permite aos científicos facer cambios en xenes concretos dunha forma moito máis rápida e moito máis precisa que antes.