SAÍDA CULTURAL SANTIAGO 28/Novembro/2012

Aquí tedes algunhas fotos...

Códices no Gaiás

Códices propón unha inmersión nunha Idade Media afastada dos tópicos oscurantistas; unha Idade Media de luminosidade e desenvolvemento cultural, de miniaturas, imaxes, cores, manuscritos e imprentas... Folios e pergameos que traslucen toda unha organización social, económica e política. A viaxe levará ao visitante polas principais mostras de códices e libros medievais entre os séculos X e XV, con exemplares únicos en Europa, como o Códice Calixtino e os diversos tombos, o primeiro libro impreso en Galicia, caso do Misal Auriense, ou magníficas copias miniadas, como a Legenda Maior ou o Pasionario Tudense.

Aquí (PICA) tedes unha mostra dos códices que poderemos ver.

Gallaecia Petrea: Exposición no Gaiás

Gallaecia Petrea propón un percorrido pola presenza da pedra na cultura galega, desde as súas orixes ata a actualidade,

Dende o momento en que é elemento básico na definición da paisaxe ata as creacións culturais máis recentes.

Aquí tedes o enlace da exposición (PICA AQUÍ)

Saída Cultural. Museo do Pobo galego

Unha das visitas que realizaremos será ao Museo do Pobo Galego. Nel atópase unha mostra de arquitectura fascinante, a sua escaleira helicoidal.

No antigo convento de San Domingos de Bonaval construído entre 1685 e 1715, encóntrase no ángulo noroeste, a tripla escaleira helicoidal, que pola súa técnica e audacia estrutural dá boa mostra do virtuosismo arquitectónico de Domingo de Andrade. 

Nun mesmo oco se desenvolven tres ramplas independentes, que conducen aos diferentes pisos; só unha delas coroa no miradoiro que domina a cidade. Os chanzos da escaleira, dunha peza enteira, están suxeitos por un nervio exterior, sen necesidade de encaixar no muro nin de unirse uns con outros. 

Esta escaleira está considerada por propios e estraños como un dos elementos máis singulares do patrimonio arquitectónico de Compostela.

Se picas na imaxe poderas acceder a unha panorámica da mesma. Moi interesante.

Saída Cultural: 28 de Novembro

O vindeiro mércores 28 de Novembro, realizaremos a saída cultural do primeiro trimestre; unha das visitas que realizaremos será á Cidade da Cultura en Santiago de Compostela.

Concibida como un polo cultural de grande envergadura, dedicado ao coñecemento e a creatividade contemporánea, a Cidade da Cultura de Galicia perfilouse desde as súas orixes como un instrumento que, conxugando pasado e futuro, permitise a Galicia abordar de maneira integral un ámbito estratéxico para o seu desenvolvemento: o da cultura.

Déixovos o vídeo promocional do edificio... Para ir coñecéndoo.