Once do once do dous mil once

Coincidindo coa chegada da atractiva data do 11 de novembro de 2011 (11-11-11), reunimos once datos científicos e históricos co número 11 como protagonista:

· O sodio é un elemento químico de símbolo Na cuxo número atómico é 11.

· O abdome da maioría dos insectos ten once segmentos.

· A actividade solar aumenta e diminúe en ciclos ou períodos de 11 anos.

· O Apollo 11 foi o primeiro foguete tripulado que pisou a Lúa.

· O 11 de novembro de 1918 foi o día en que rematou a Primeira Guerra Mundial.

· Nun equipo de fútbol xogan 11 xogadores (o "once titular"), os mesmos que nun de cricket.

· Once son os escritores hispanos obtiveron ata agora o PremioNobel de Literatura.

· A teoría de membranas ou teoría M prevé a existencia de 11 dimensións no espazo-tempo.
· O arquipélago das illas Shetland do Sur, na Antártida, está formado por 11 illas.

· Once anos tardou Jean Béliveau, un cidadán canadense de 56 anos, en dar a volta ao mundo a pé. Percorreu 75.000 quilómetros e gastou 53 pares de zapatos.

· O 911 é un numero de teléfono utilizado pola maioría de países do mundo como número central de emerxencias. A primeira vez que se utilizou foi en 1968, en Estados Unidos.