Descifran o ADN do individuo máis antigo coñecido en Galicia

SERRA DO COUREL (LUGO)

A secuenciación do ADN dos restos humanos máis antigos coñecidos ata agora en Galicia -achados a comezos do 2010 nunha cova da serra do Courel, Lugo (enlace)- está a dar os primeiros resultados, que indican que as poboacións galegas de finais do Paleolítico mostraban unha afinidade xenética coas doutras rexións de Europa.
O mesmo sucede cos fósiles doutros dous individuos de épocas prehistóricas moito máis recentes, descubertos hai anos nos depósitos de Cova Eirós(Triacastela) e Pa do Rebolal (Rubiá), que están a ser estudados dentro do mesmo proxecto.

O estudo áchase aínda nunha fase inicial e o que se puido secuenciar por agora son fragmentos do ADN mitocondrial, que se transmite unicamente por vía materna.
Segundo indican os investigadores do Instituto Universitario de Xeoloxía da Coruña, o fósil do Courel, de entre 8.000 e 9.000 anos de antigüidade, presenta unha combinación de xenes dunha variedade que ata agora non se localizara na Península, aínda que si estaba rexistrado en restos humanos prehistóricos de...ler máis