Un equipo de investigadores da Universidade de Münster, en Alemaña, descubriu que Júpiter é o máis antigo dos planetas do Sistema Solar. Pero non só iso, senón que a análise de certos isótopos presentes en meteoritos suxire que o xigante gaseoso podería formarse mesmo antes de que o propio Sol empezase a brillar. O extraordinario achado acaba de publicarse na revista Proceedings Of The National Academy Of Sciences.
Para conseguir un modelo fiable da idade de Júpiter, os investigadores, liderados polo astrónomo Thomas S. Krujier, mediron as concentracións de isótopos de molibdeno e tungsteno en meteoritos ferrosos.
Existen dúas clases de meteoritos de ferro, e Krujier e o seu equipo sosteñen que ambos os tipos formáronse por separado no interior da nube de po e gas da que xurdiu o noso Sistema planetario.
Segundo o modelo dos investigadores, o núcleo interno de Júpiter creceu ata alcanzar 20 veces a masa da Terra no transcurso do primeiro millón de anos. Nese momento, o Sol era aínda unha protoestrella, e non tiña a densidade suficiente como para que no seu interior comezase o proceso de fusión do hidróxeno.
No hay comentarios:
Publicar un comentario