Duplicación do ADN

O primeiro proceso necesario para a transmisión da información xenética é a súa duplicación, é dicir, a realización dunha copia que poida ser transportada polos gametos ata a fecundación e logo poida ser utilizada polo novo individuo.

A REPLICACIÓN é o proceso polo cal o DNA se copia para poder ser transmitido a novos individuos.

Redes: O ADN

A idea que temos sobre o noso planeta e o universo, ou sobre a complexidade do cerebro humano evolucionou extraordinariamente nos últimos anos. O mesmo está a suceder agora co concepto de xene e co rol do ADN na constitución dun ser vivo. 

O xenetista Tom Gingeras participa no proxecto Encode, destinado a definir as auténticas unidades funcionais do xenoma humano.

Eduardo Punset trata neste programa, da man deste investigador do laboratorio Cold Spring Harbor, en Nova York, de transmitirnos os puntos esenciais da nova xenética. É sen dúbida o inicio dunha era na comprensión dos códigos da vida.

Por primeira vez detéctase, en 3 D, un instante determinante na vida dun embrión

Investigadores da Universidade de Cambridge captaron as primeiras imaxes tridimensionais dun embrión vivo dándose volta dende dentro cara a fóra. 

Trátase de embrións dunha alga verde chamado Volvox e permiten comprender como funciona un proceso moi similar no desenvolvemento temperán dos animais.

Usando un microscopio de fluorescencia para observar os embrións Volvox, os investigadores foron capaces de probar un modelo matemático da morfoxénese - a orixe e desenvolvemento da estrutura e a forma dun organismo - e entender como a forma das células leva ao proceso de investimento, o momento no que o embrión pasa dunha forma esférica a unha de fungo e outra vez a esférica. O modelo matemático explica como os cambios na forma celular conducen o proceso de investimento.

As fases observadas son similares ao proceso de gastrulación en embrións de animais, que o biólogo sudafricano Lewis Wolpertchamou "o evento máis importante" na vida. " Durante a gastrulación, o embrión prégase cara ao interior en forma de copa, formando as capas xerminais primarias que dan lugar a todos os órganos no corpo. Os embrións Volvox pasan por un proceso similar, pero cun elemento sorprendente: literalmente danse volta de fóra cara a dentro durante o proceso.

Novo combustible ecolóxico feito de CO2, auga e nitróxeno

Audi anunciou que comezou a produción de combustible diesel sintético feito con auga, dióxido de carbono e hidróxeno. 

Un produto ecolóxico que supón un grande avance na busca de enerxías alternativas para frear o cambio climático e o uso de combustibles fósiles. 

O combustible, que recibe o nome de e-diesel e que está creado polo fabricante de automóbiles e a empresa de enerxía Sunfire, está a ser producido nunha planta situada en Dresden (Alemaña) e é o resultado de mesturar auga, CO2 e electricidade obtida de enerxías renovables como a solar, éolica ou hidroeléctrica. Parte do dióxido de carbono empregado obtense do aire polo que aseguran cumprir coa sostibilidade ambiental. 

Audi publicou un diagrama no que se mostran os pasos para producir o combustible. En liñas xerais, pódese ver como no primeiro se quenta a auga para xerar vapor para que sexa posible a división entre hidróxeno e osíxeno por medio de electrólise a alta temperatura. 

Este proceso implica alcanzar ata 800 graos celsius. Nos dous pasos seguintes o hidróxeno reacciona co CO2 en reactores de síntese. De novo, baixo presión e a altas temperaturas. E obtense unha produción de reacción que é un líquido que xorde a partir de compostos de hidrocarburos e recibe o nome de azul cru. Mentres que nas dúas fases anteriores tiña lugar a electrólise e a conversión, o último paso é o de tratamento, onde ten lugar o proceso de refinación. 

Para coñecer máis a fondo o proceso de produción, Audi publicou un video onde o explica.

TRABAJO NETO con rozamiento plano inclinado

Un mapa mundial da calidade do aire que respiramos

Para acceder á web pica na Imaxe.

O World Air Quality Index é un interesante mashup no que se combinan mapas de Google con datos públicos de diversas cidades de todo o planeta respecto á calidade do aire que se respira.
Os valores están expresados nunha escala de 0 a 500 da Axencia Ambiental de Estados Unidos. 

Para entendelos dunha ollada están coloreados en:

verde («a calidade é estupenda», como a das montañas de Heidi).

amarelo (aceptables, para os estándares actuais), 

laranxa (chungo e perigoso para persoas delicadas de saúde). 

vermello (calidade mala que todo o mundo vai empezar a notar na súa saúde).

violeta (como acostumes a respirar moito en plena rúa podes rematar en urxencias) 

granate (tamén coñecida por «o robot Curiosity encontrou aire máis saudable nas súas exploracións de Marte»). 

Faltoulles poñer directamente o negro do baleiro espacial.
Se sofres con este tipo de datos mellor non mires o mapa de China, ou nin sequera o da túa cidade. En España hai bastantes poboacións con este tipo de indicadores publicados nos seus sitios web, especialmente no País vasco, Galicia, Cataluña e moitas cidades do levante.

Nova marca mundial para resolver o Cubo de Rubik: 5,25 segundos

Un adolescente de Estados Unidos superou a marca mundial na principal proba para resolver o Cubo de Rubik, cun crebacabezas de 3×3×3 a un só intento. O seu rexistro: 5,253 segundos. Deste xeito, o mozo Collin Burns reduciu a récord mundial anterior de 5,55 segundos que tiña o holandés Mats Valk.

A competición tivo lugar na Central Bucks West High School de Pensilvania, un torneo avalado pola Asociación Mundial del Cubo Rubik (WCA).

Quen era a misteriosa "Dama Vermella" achada nunha cova de España?

Hai uns 19.000 anos, unha muller de entre uns 35 e 40 anos foi enterrada nas profundidades dunha cova na rexión de Cantabria, no norte España.
Debido á cor dos seus ósos, pintados cun pigmento ocre, os arqueólogos bautizárona como a "Dama Vermella".
Pero que se sabe desta misteriosa muller e do grupo ao que pertencía?

Segundo sinalan os investigadores responsables do achado acontecido en 2010 (cuxos destalles se publicarán proximamente na revista Journal of Archaeological Science), os restos encontrados na paraxe Del mirón apuntan a que se trataba dunha muller especial, debido a que os enterros nesa época eran pouco comúns.
"Na Península Ibérica non se coñece ningún enterramento do período madaleniano, por exemplo, e en Francia apenas media ducia nos que con seguridade se poida dicir que son desa data", dille a BBC Mundo Manuel González Morales, profesor da Universidade de Cantabria e un dos líderes da investigación.

Potencia trabajo y rendimiento, Ejercicio resuelto

O ADN...as instruccións da vida

O ADN é a substancia química onde se almacenan as instrucións que dirixen o desenvolvemento dun ovo ata formar un organismo adulto, que manteñen o seu funcionamento e que permite a herdanza. 

É unha molécula de lonxitude xigantesca, que está formada por agregación de tres tipos de substancias: azucres, chamados desoxirribosas, o ácido fosfórico, e bases nitroxenadas de catro tipos, a adenina, a guanina, a timina e a citosina.