Marte, o gran destino da nave Orion

Dentro de non moitos anos, ao redor de 2030 se todo transcorre como está previsto no calendario da NASA, o ser humano viaxará a Marte. E probablemente o fará a bordo dunha nave Orion, sen tripulación, por primeira vez nos ceos do Centro Espacial Kennedy, en Florida (EUA). Alcanzará os 5.800 quilómetros de altitude por enriba da superficie da Terra.

Fabricada pola compañía privada Lockheed Martin, Orion é a primeira nave espacial deseñada para levar astronautas ao espazo profundo dende as misións Apolo dos anos 60 e 70. Chegará onde nunca o fixemos, moito máis alá da Lúa, co Planeta vermello como gran destino, o seguinte gran salto da humanidade.

Pero antes hai un longo camiño por percorrer. A distancia entre a Terra e Marte é un amplísimo campo de exploración onde os astronautas poderán poñer a proba as habilidades que necesitarán para as futuras misións marcianas. En particular, a NASA pretende converter a área arredor da Lúa no mellor lugar de adestramento, onde se poderán probar os traxes avanzados para camiñadas espaciais ou a protección dos astronautas da radiación e as temperaturas extremas.