SLIDER

jueves, 23 de abril de 2015

23 de Abril...día do Libro

O Día do Libro é un acontecemento anual que se celebra o 23 de abril. A festa celebrouse por primeira vez baixo os auspicios da UNESCO en 1995 coa idea de fomentar a lectura, a edición e publicacións impresas e os dereitos de autor.


Dende o blog gustaríame recomendarvos un libro de temática científica:




O libro está dirixido á xente nova, en particular aos nenos, aínda que sería absurdo clasificalo como un libro para nenos. E faino de xeito moi lúdico. 

É, non hai que dubidalo, un Richard Dawkins sorprendente, lonxe do debatiente duro e militante. A maxia da que nos fala é poética, é a maxia encontrada no mundo das ideas e os coñecementos. Con moita paixón vainos narrando a historia da ciencia a través de ir respondendo as preguntas fundamentais.

Non é un libro para especialistas, con información dura e ruda e se unha guía para namorarse e apaixonarse coa comprensión do mundo a través da ciencia. Cun estilo moi alcanzable, cheo de anécdotas, exemplos e ilustrado de xeito moi fermoso.

É unha historia fascinante, escrita de xeito emotivo e moi fluída, para lectores de todas as idades. Creo que Dawkins acertou ao deixarnos ver este lado seu e creo que o seu libro se converterá nun clásico.

Richard Dawkins, La magia de la realidad. Pequena historia da ciencia (2011) Editorial Espasa, Barcelona. Colección Espasa xuvenil. 
ISBN: 978-84-670-3873-6256.

No hay comentarios:

Publicar un comentario