George Boole, o tataravó de Google

Hoxe Google rende homenaxe a George Boole, o pai "dos ceros e uns", da aritmética computacional.

George Boole, nado en Lincoln, Lincolnshire, Inglaterra o 2 de novembro de 1815 e finado en Ballintemple, County Cork, Irlanda o 8 de decembro de 1864, foi un matemático e filósofo británico.

Como inventor da álxebra de Boole, a base da aritmética computacional moderna, Boole está considerado como un dos fundadores do campo das Ciencias da Computación. En 1854 publicou An Investigation of the Laws of Thought no que desenvolvía un sistema de regras que permitía expresar, manipular e simplificar problemas lóxicos e filosóficos cuxos argumentos admiten dous estados (verdadeiro ou falso) por procedementos matemáticos.