Este novo lagarto branco (Salvator meriana), atopado na cidade de Córdoba (centro de Arxentina) e de máis medio metro de lonxitude, feriuse gravemente a cola cun obxecto afiado que non chegou a cortarlla. Pero a lesión foi o suficientemente profunda como para iniciar o proceso de rexeneración desta extremidade. Neste caso, ao lagarto saíronlle simultaneamente seis colas de diferentes tamaños e desde diferentes puntos. Algunha delas mesmo creceu cun ángulo de 90º respecto da cola orixinal.
Esta habilidade de rexeneración xa era coñecida: algúns lagartos poden volver crear células nerviosas, parte da súa mandíbula e das súas extremidades. De feito, a estratexia de desfacerse da cola e volvela a xerar é amplamente usada para escapar dos depredadores.
O estudo, publicado en Cadernos de Herpetología, recalca que no caso deste lagarto, ter seis colas pode xerarlle máis custos que beneficios.
No hay comentarios:
Publicar un comentario