Crean óvulos fértiles en laboratorio a partir de células da pel

Óvulos madurados en el laboratorio que en origen eran células de la piel - K.Hayashi, Kyushu Univ.

Científicos xaponeses lograron transformar células da pel de ratos en óvulos sans capaces de xerar descendencia, tal como se anunciou este luns nun artigo publicado en Nature e dirixido por Katsuhiko Hayashi. Esta é a primeira vez que se puido reproducir todo o ciclo natural de maduración dos óvulos nun laboratorio, o que suxire que a nova técnica podería servir para combater a infertilidade humana por medio da produción de óvulos artificiais.

Con todo, os datos publicados no propio estudo mostraron que o método é aínda perigoso e moi ineficiente. Aínda que ao longo dos experimentos os científicos produciron un total de 1.348 embrións, só conseguiron que nacesen 26 ratos. Tal como informaron os autores, moitos dos fetos mostraron problemas de desenvolvemento e anormalidades nos cromosomas. Ademais, esta técnica exporía problemas éticos se se aplicase a humanos, posto que require usar células de embrións.

A pesar de todo, varios científicos coincidiron en destacar o valor deste estudo: «É un avance tremendo», explicou en New Scientist Azim Surani, investigador da Universidade de Cambridge. «É realmente sorprendente», declarou en Nature Jacob Hanna, biólogo no Instituto Weizmann de Ceincia en Rehovot, (Israel).