O construtor xaponés Honda colaborou coa empresa Kabuku para levar a cabo o prototipo dunha minifurgoneta monopraza que incorpora un motor eléctrico e posúe unha carrocería realizada con tecnoloxía de impresión 3D.
A solución Rinkak de Kabuku permite a fabricación dixital, baixo demanda, de produtos personalizados que poidan satisfacer as necesidades dos seus clientes, atendendo ao deseño, a enxeñería e a fabricación que estes precisen.
Honda encargouse do desenvolvemento técnico do grupo motopropulsor e do chasis tubular desta minifurgoneta; mentres que case todas as pezas da carrocería levounas a cabo Kabuku usando unha impresora 3D.
Así é como viu a luz este deseño orixinal, monopraza e cun maleteiro amplo para levar a carga, que se deu a coñecer recentemente no marco de CEATEC, unha feira na que as empresas tecnolóxicas xaponesas mostran os seus últimos avances e que se celebra no complexo Makuhari Messe, en Chiba.
No hay comentarios:
Publicar un comentario