Un grupo de investigadores, liderados polo español Juan Carlos Izpisua do Laboratorio de Expresión Génica do Instituto Salk de Estados Unidos, deron un paso que achega un pouco máis este soño científico. Bastaría con utilizar un cóctel de catro xenes para borrar os signos do envellecemento. A demostración, con ratos e células humanas, preséntase na revista «Cell». Ademais do centro estadounidense, na investigación colaboraron a Universidade Católica de Murcia, a Clínica Cemtro de Madrid, o Hospital Clínic de Barcelona e a Facultade de Medicina da Universidade de Michigan.
Co tratamento, as células cultivadas no laboratorio rexuveneceron non só en aspecto, senón no seu funcionamento. O efecto foi notable. A terapia aplicouse en dous tipos de ratos: nun modelo que reproduce a progeria, unha enfermidade rara que no ser humano provoca un envellecemento prematuro e agresivo desde o nacemento, e en ratos cunha vellez natural. Nos primeiros, o tratamento prolongou a vida nun 30 por cento. «Se trasladásemos esta cifra a humanos, estariamos a falar duns 25 anos nunha persoa cunha esperanza de vida de 80 anos, aínda que aínda é moi difícil extrapolar esta cifra», explicou a ABC, Juan Carlos Izpisúa, autor principal do estudo.
No hay comentarios:
Publicar un comentario