Detectadas as ondas do primeiro instante do universo. Vídeo Noticia

O material, publicado polo BICEP2 na súa web, sinala que as súas observacións teñen 5 sigmas, é dicir, unha fiabilidade estatística suficiente como para reclamar un descubrimento. Esa marxe de erro, dun entre 3,5 millóns, abondou por exemplo para anunciar o descubrimento do bosón de Higgs en 2013. Os sinais son máis intensos xusto no rango no que os modelos teóricos indican a presenza de ondas gravitacionais. Os responsables de BICEP2 ademais, sinalan que as súas observacións consideran pouco probable que os resultados observados se deban a falsos positivos.

"Isto é un Nobel claro", opina Xavier Siemens, un experto español en cosmoloxía que traballa na Universidade de Milwaukee e colabora con dous grandes detectores de ondas gravitacionais, LIGO e NANOgrav. "Por suposto haberá que esperar a ter confirmación doutros experimentos similares, pero se se confirma, é un premio da Academia seguro para o equipo de detección e tamén posiblemente para Alan Guth, quen foi o primeiro en teorizar a inflación", opina Siemens.