Tema 4 Bioloxía 3º ESO - A eliminación dos refugallos e o transporte

Ao longo do Tema 4, estudaremos dous sistemas principalmente:

O sistema urinario humano é un conxunto de órganos encargados da produción de ouriños mediante a cal se eliminan os refugallos nitroxenados do metabolismo (urea, creatinina e acedo úrico), e da osmorregulación. 

O aparello circulatorio é a estrutura anatómica composta polo sistema cardiovascular que conduce e fai circular o sangue, e polo sistema linfático que conduce a linfa unidireccionalmente cara ao corazón. No ser humano, o sistema cardiovascular está formado polo corazón, os vasos sanguíneos (arterias, veas e capilares) e o sangue, e o sistema linfático que está composto polos vasos linfáticos, os ganglios, os órganos linfáticos (o bazo e o timo), a medula ósea , os tecidos linfáticos (como a amígdala e as placas de Peyer) e a linfa.