Teoría de Oparin sobre a Orixe da Vida

Aleksander Ivánovich Oparin (Úglich, 2 de marzo de 1894 ? Moscova, 21 de abril de 1980) foi un biólogo e bioquímico soviético que realizou importantes avances conceptuais con respecto á orixe da vida no planeta Terra.

Oparin imaxinou que a alta temperatura do planeta, a actuación dos raios ultravioleta e as descargas eléctricas na atmosfera (lóstregos e raios) poderían provocar reaccións químicas entre os elementos anteriormente citados. Esas reaccións darían orixe a aminoácidos, os principais constituíntes das proteínas, e outras moléculas orgánicas.

As temperaturas da Terra, primitivamente moi elevadas, baixaron ata permitir a condensación do vapor de auga. Neste proceso tamén foron arrastradas moitos tipos de moléculas, como varios ácidos orgánicos e inorgánicos. Con todo, as temperaturas existentes nesta época eran aínda o suficientemente elevadas como para que a auga líquida continuase evaporándose e licuándose continuamente.

Oparin concluíu que os aminoácidos que eran depositados polas choivas non regresaban á atmosfera co vapor de auga, senón que permanecían sobre as rocas quentes. Supuxo tamén que as moléculas de aminoácidos, co estímulo da calor, poderíanse combinar mediante ligazóns peptídicos. Así xurdirían moléculas maiores de sustancias albuminoides. Serían entón as primeiras proteínas en existir.