Un "monstro mariño" de cinco metros e medio de lonxitude

Localizado en augas do sur de California, causou sensación na localidade de Santa Mónica, onde foi trasladado para o seu posterior estudo.
Ata 15 persoas foron necesarias para sacar da auga a criatura, un peixe sabre, co que posteriormente pousaron, sosténdoo nos seus brazos, nunha divertida foto.

O animal xa estaba morto cando foi descuberto por unha instrutora do Catalina Island Marine Institute (CIMI), Jasmine Santana, que se encontraba mergullándose cando levou a cabo o descomunal achado.

A realidade é que os peixes sabre ou remo son animais esquivos, solitarios e difíciles de localizar, xa que habitan profundidades de mil metros. Poden alcanzar os 17 metros de lonxitude, así que non é de estrañar o pavor que lles profesaban, hai séculos, os asustados mariños.