Descobren no Reino Unido as pegadas humanas mais antigas fóra de África

Arqueólogos británicos descubriron na costa de Norfolk (este de Inglaterra) as pegadas humanas máis antigas coñecidas ata agora fóra de África, duns 800.000 anos de idade.

A erosión deixou ao descuberto nunha praia da localidade de Happisburgh preto de cincuenta pegadas fosilizadas de 800.000 anos de antigüidade, as cales corresponden a un grupo duns cinco individuos dunha especia humana primitiva que podería estar relacionada cos homínidos de Atapuerca (España).

O achado débese a investigadores do Museo Británico, o Museo de Historia Natural de Londres e a Universidade Queen Mary, que publicaron o descubrimento no último número da revista científica Plos One.