A bóveda do fin do mundo

A despensa de sementes máis grande do planeta, creada para conservar as diferentes especies de cultivos ante unha posible catástrofe global, recibiu 20.000 novas mostras de máis de cen países.

Chámase Cámara Global de Sementes de Svalbard ou, como se coñece popularmente, Bóveda do Fin do Mundo e está oculta a 120 metros de profundidade nunha montaña do arquipélago noruegués de Svalbard, no Ártico. 

Esta cámara acoirazada, preparada para resistir terremotos, explosións nucleares, erupcións volcánicas e outros desastres, conserva no seu interior 800.000 mostras de máis de 4.000 especies de sementes de 231 países que poderían ser utilizadas en caso dunha catástrofe mundial.