O Pérmico. A gran extinción

Ao final do Permiano produciuse a extinción máis catastrófica que a vida sufrise xamais, xa sexa en termos de número total de especies perdidas ou dos seus traumáticos efectos sobre a evolución subseguinte. 

Foi como mínimo dúas veces máis severa que calquera outra e posiblemente entre cinco e dez veces máis extensa. Estímase que só sobreviviu o 5% das especies, cando no peor dos demais episodios a cifra foi próxima ao 50%. Resultou ser tamén a máis difícil de estudar debido a problemas cronolóxicos na datación e á carencia dun conxunto apropiado de seccións (medios continentais) con fósiles que inclúan o crucial intervalo de tempo.