Bastan dous tipos de células nai e un molde para desafiar á Natureza e fabricar artificialmente o embrión dun mamífero. Con estes tres ingredientes un equipo de investigadores da Universidade de Cambridge, no Reino Unido, xeraron unha estrutura semirígida tridimensional «que se asemella a un embrión e crece de forma similar», segundo describen na revista «Science». Trátase do primeiro paso para a creación dun embrión no laboratorio.
Para obtelo, os investigadores liderados por Magdalena Zernicka, partiron de células nai procedentes doutros embrións e doutras que naturalmente darían lugar á placenta (células nai trofoblásticas). Colocaron esas células nunha especie de molde en 3-D para dar a forma desexada. A diferenza dos humanos, os embrións de rato son alongados, como unha especie de cilindro. Unha vez colocadas, as células embrionarias e as da placenta foron capaces soas de organizarse sen ningunha intervención, coma se soubesen en que lugar debían colocarse.
O obxectivo deste experimento non é outro que entender mellor o proceso da embriogénesis, en definitiva como se forma a vida. Velo en directo no laboratorio podería axudar aos científicos para loitar contra os fallos da xestación e os abortos naturais que son máis frecuentes do que podería pensarse. A reprodución humana non é perfecta e dúas de cada tres embarazos fracasan nas primeiras etapas, apenas uns días da concepción.
No hay comentarios:
Publicar un comentario