A voraz plastilina magnética

Esta masa deforme que devora un cubo metálico é plastilina magnética. O xoguete científico do ano, do século... do milenio! 

A plastilina está fabricada con millóns de partículas magnéticas e o cubo é un imán de neodimio, que dirixe os movementos da masa coma se fose o frautista de Hamelín cos nenos. Isto sucede porque as partículas magnéticas da plastilina aliñan os seus dipolos ao campo magnético do imán; como consecuencia a masa magnetízase e séntese atraída por el.

Usando esta propiedade e botándolle imaxinación pódense crear figuras e escenas do máis impactantes.