O proxecto que aspira a seguir o ronsel do xenoma humano xa ten nome. Chámase «HPG-write», algo así como proxecto xenoma humano escrito, porque agora xa non se trata de ler o ADN humano senón de reescribilo. A diferenza entre estes dous «é cuántica», advirte Andrés Moya, catedrático de xenética da Universidade de Valencia. «Agora quérese intervir. Non é só ler o que hai, é modificalo. É máis,preténdese a definición dun xenoma humano de referencia», advirte.
Hai semanas un grupo selecto de científicos, avogados e líderes da industria tiveron un encontro a porta pechada na Facultade de Medicina de Harvard, en Boston, para debater este proxecto titánico. Pero a proposta máis oficial lanzouse no último número da revista «Science». Nun artigo para a discusión, vinte e catro científicos de primeira liña -incluídos algúns dos que participaron naquela cita a porta pechada- defenden a necesidade deste proxecto e chaman a atención sobre as infinitas posibilidades (algunhas moi inquietantes) que pode traer a bioloxía sintética.
No hay comentarios:
Publicar un comentario