O cambio climático podería causar a extinción dunha terceira parte das especies de parasitos
cara a 2070, segundo un estudo internacional con participación do Consello
Superior de Investigacións Científicas (CSIC) publicado na revista Science Advances.
A desaparición dos parasitos podería alterar drasticamente os ecosistemas, e este estudo
indica que son un dos grupos biolóxicos máis ameazados da Terra.
"Este estudo é pioneiro en analizar simultaneamente tanto parasitos como
simbiontes non parasitos. En concreto incluíuse unha gran base de datos global dos
ácaros das plumas das aves que desenvolvemos no noso grupo. Estes ectosimbiontes
non son parasitos senón comensais ou mutualistas das aves, actuando
como os "barrenderos das plumas". Foi interesante constatar que
independentemente de que fosen parasitos ou non, os ectosimbiontes sofren máis que
os endosimbiontes os efectos directos do cambio climático. Isto pon de manifesto
a necesidade de estudar os simbiontes no seu conxunto", sinala Roger Jovani,
investigador do CSIC da Estación Biolóxica de Doñana, quen participou no
estudo.
Os parasitos teñen mala reputación, indican os investigadores. Este grupo de organismos
inclúe lombrigas, tenias, vermes, pulgas, garrapatas, piollos e outros
parasitos. A maioría son coñecidos por causar enfermidades nos seres humanos, o
gando e outros animais...ler máis.
No hay comentarios:
Publicar un comentario