O 23 é un número en auxe dentro da moderna simboloxía esotérica e o favorito dos propugnadores de teorías da conspiración. Vexamos: 2 máis 3 dá 5, o número co que o diaño pode ser invocado, 2 dividido por 3 dá 0'666, o número da Besta segundo a Apocalipse de san Juan.
A revolución húngara iniciouse un 23 de outubro e Harpo Marx naceu un 23 de novembro. Segundo Seutonio, César recibiu exactamente 23 puñaladas por parte de Bruto e sicarios.
A letra W é a que fai o número 23 do alfabeto inglés, e ten dous puntos cara abaixo e tres cara arriba.
A primeira aluaxe do Apolo tivo lugar a 23,63 graos este; o segundo, a 23,42 graos oeste.
Área 51, nome polo que se coñece a un centro de investigación secreto do goberno (cuartel que supostamente comparten a CIA e os extraterrestres, segundo os crentes na existencia de ovnis) pódese descompoñer en 23 + 23 + 2 + 3= 51.
William Wallace, nobre escocés que se levantou contra a ocupación inglesa, foi executado baixo a acusación de traizón o 23 de agosto de 1305.
No momento da concepción, o home e a muller contribúen cada un con 23 cromosomas.
A destitución do presidente Nixon baseouse no artigo 2, sección 3, da Constitución de Estados Unidos.
O primeiro número primo no cal os dous díxitos son primos é o 23.
Os grandes mestres do amorne eran 23.
O Titanic afundiuse a mañá do 15 de abril de 1912 ( 1 + 5 + 4+ 1 + 9 + 1 + 2 = 23)
Kurt Cobain, naceu en 1967 e morreu en 1994 (1+9+6+7 = 23) e (1+9+9+4 = 23)
A partida inmortal de xadrez xogada por Anderssen e Kieseritzky duro só 23 movementos.
O 23 de outubro é o día do Mol. Os químicos celébrano desde a 6:02 da mañá ata as 06:02 da tarde en honra ao número de Avogadro, que é aproximadamente 6,023*10^23.
O terremoto ocorrido en Tokio en 1923 provocou que descendese o produto nacional bruto de Xapón nun terzo.
No hay comentarios:
Publicar un comentario