Os produtos químicos atopados nas rocas de Marte polo rover Curiosity da NASA suxiren, unha vez máis, que o planeta vermello tivo máis osíxeno na súa atmosfera do que contén agora.
Concretamente, os investigadores atoparon altos niveis de óxidos de manganeso mediante o uso dun instrumento láser do vehículo. Este toque de máis osíxeno na atmosfera do Marte primitivo súmase a outros achados do Curiosity que revelan que o planeta veciño tivo características similares á Terra no seu pasado.
Esta investigación tamén engade un contexto importante para outras pistas sobre o osíxeno atmosférico no pasado de Marte. O rover colocou os óxidos de manganeso analizados nunha liña de tempo das condicións ambientais do planeta. A partir dese contexto, o maior nivel de osíxeno pode estar ligado a un momento en que a auga subterránea estaba presente na área de estudo do cráter Gale onde se atopa o rover.
«A única maneira que se coñece na Terra acerca de como se forman estes materiais manganeso implica osíxeno atmosférico ou microbios. Agora estamos a ver os óxidos de manganeso en Marte, e preguntámonos como diaños se poderían formar», indicou unha das autoras do traballo, Nina Lanza.
O traballo, que foi publicado en 'Geophysical Research Letters', sinala que, no rexistro xeolóxico da Terra, a aparición de altas concentracións de minerais de óxido de manganeso é un marcador dun cambio importante na composición da atmosfera. A presenza dos mesmos tipos de materiais en Marte suxire que os niveis de osíxeno tamén aumentaron alí antes de diminuír ata os seus valores actuais.
No hay comentarios:
Publicar un comentario